CCLIV.

1364, November 18. Frankenstein.

Dirslaus von Krawarn, königlicher Hauptmann zu Frankenstein, bestätigt den unter No. CCLII. mitgetheilten Vertrag.

In nomine domini amen. Cum ea, que pacem et concordie unionem respiciunt, quisquis deum pacis amatorem diligens toto cordis affectamine merito conetur promovere, ut de presentis seculi pace transitoria potiri valeat in futuro pace sempiterna, hinc est, quod nos Dyrzlaus de Crawar capitaneus Frankinsteynensis maiestate regia Boemie serie presentium scire cupimus universos, quod nostram accedentes presentiam venerabilis vir, dominus Andreas abbas monasterii Kamencz districtus Frankinsteynensis et nobilis domina Elyzabeth conthoralis legitima quondam domini Steffani de Rychinbach militis cum filio suo Johanne, quasdam literas super concordie et pacis unione inter ipsos contractata confectas, coram nobis produxerunt. Quarum tenor verbalis subsequitur in hiis scriptis: - No. CCLII. - Nos itaque prefatis literis auditis et intellectis et diligenter consideratis ad utriusque partis supplicationum ad nos suppliciter dum taxat instantiam diligenter inclinati, prefatam concordiam et diffinitionem sic mature factam ratam habentes et gratam auctoritate regia, qua dicto in districtu Frankinsteynensi fungimur, secundum continentiam literarum premissarum in omnibus et singulis suis distinctionibus, clausulis, articulis et punctis approbamus, ratificamus et presentis carte patrocinio in vigorem perpetuum salvo iure regio confirmamus; presentibus nobilibus et famosis viris domini nostri regis fidelibus: Cunrado de Rybenicz, Zuryngo de Bebirsteyn, Witkone Budow militibus; Yeschcone Heeringi, Moroczkone Brokkot, Heynrico de Stercza et Johanne Hane nostro notario, testibus ad premissa. Datum Frankinsteyn sub sigillo regio capitaneatus F'rankinsteynensis ad hereditates et causas, in vigilia sancte Elyzabeth anno domini millesimo trecentesimo sexagesimo quarto.

Or. Perg. An einem Pergamentstreifen das S. des Hauptmanns von Frankenstein.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.